Баспасөз хабарламасы

2023 жылдың 30 қарашасында сағат 10:00-ден 17:00-ге дейін Астана қаласында Жалпыұлттық социал-демократиялық партиясы «Инклюзивті қоғам мәселелерімен айналысатын үкіметтік емес ұйымдардың I республикалық слетін» өткізеді.

Іс-шараның мақсаты: инклюзия бойынша әлеуметтік жобалар саласында жұмыс істейтін ҮЕҰ-мен арада диалог әрі ынтымақтастық орнату үшін платформа құру, ерекше қажеттілігі бар адамдарға қолжетімділік пен өмір сапасын арттыру бойынша тиімді шараларды әзірлеу және іске асыру.

Іс-шара аясында әлеуметтік жобалар жәрмеңкесі өтеді, онда қатысушыларға түрлі әлеуметтік бастамалармен танысуға мүмкіндік болады.

Сонымен қатар, әлеуметтік мәселелерді шешуге және тиісті міндеттерді орындауға бағытталған жобалар көрсетіледі. Қатысушылар сол жобаларды жүзеге асыратын командалармен жақынырақ танысып, сұрақтар қоя алады, олардың одан әрі дамуын талқылай алады.

Слетке инклюзия және басқа да әлеуметтік жобалар саласында жұмыс істейтін ҮЕҰ өкілдері мен сарапшылар, ҚР Парламенті Мәжілісі мен Сенатының депутаттары шақырылды.

Өтетін орын: Астана қаласы, Думан қонақ үйі, «Парламент» конференция залы, 2 қабат. Қорғалжын тас жолы, 2а,

Аккредитация: +7 707 716 11 92, Мақсұт

ЖСДП баспасөз қызметі