Жақында соңғы үш жылдан бері өткізіліп келе жатқан шахматтан «ЖСДП VІІ-ші кубогы» турнирі өтті. Жалпыұлттық социал-демократиялық партиясының Ақмола облыстық филиалының ұйымдастыруымен өткен балалар арасындағы биылғы шахмат турниріне партия төрағасы Асхат Рақымжанов қолдау білдірді.

Осы дәстүрлі турнирде жүзге жуық жас шахматшы жеңіске жету үшін, спорттық дәрежелерін көтеру немесе толықтыру мүмкіндігі үшін тартысқа шықты. Жас топтары өзгеріссіз қалды – 6 жасқа дейін, 8 жасқа дейін, 10 жасқа дейін, 12 жасқа дейін, 14 жасқа дейін, 16 және 18 жасқа дейін (қыздар мен ұлдар арасында бөлек).

11 қараша күні финалдық белдесулер өтіп, жас шахматшылар арасында жеңімпаздар іріктелді. Жеңімпаздарды марапаттау рәсімінде наградаларды Қазақстан Республикасының еңбек сіңірген жаттықтырушысы Валерий Смоквин тапсырды. Турнир қорытындысында 6 жасқа дейінгі (қыздар мен ұлдар) және 18 жасқа дейінгі (қыздар мен ұлдар) жас топтары бойынша сайыстың нәтижелері шығарылды.

Жеңімпаздар мен қатысушылар партия төрағасы атынан диплом және алғыс хаттармен марапатталды.

Партия төрағасының пікірінше, еліміздегі шахмат спортының танымалдылық тенденциялары қарқынды дамуы тиіс, бұл ретте біздің партия жан-жақты жұмыс істеп келеді.

ЖСДП Ақмола облыстық филиалы Ілияс Жанғали