Құрметті, қазақстандықтар!

Жалпыұлттық социал-демократиялық партиясы атынан сіздерді 16 желтоқсан – тәуелсіздік күнімен құттықтаймын!

Ынтымағы мен бірлігі жарасқан еліміздің егемендігі баянды, аспаны ашық болсын.

Осы күнге жеткізген, еліміздің болашағы мен ұрпақтың азаттығы үшін күрескен рухты да, батыр ата-бабаларымыз бен желтоқсаншылардың ерліктеріне тағзым етеміз. Мемлекетіміздің тұтастығын сақтап, тәуелсіздігін қастерлеуді тапсырған аманатын абыроймен алып жүру – біздің алдымызда тұрған үлкен парыз. Ешбір азаматтың құқығы бұзылмайтын демократиялық қоғам құру жолында бірге қызмет етейік!

Әрбір шаңыраққа бақ-береке, шат-шадыман мереке мен қуаныш тілеймін.

Құрметпен, Асхат Рахымжанов