**Ақтөбе қаласында Жалпыұлттық социал-демократиялық партиясының (ЖСДП) Ақтөбе облыстық филиалы «МИБ дамуының перспективалары» тақырыбында ашық диалог форматында дөңгелек үстел өткізді.
Іс-шара ЖСДП Ақтөбе облыстық филиалы төрағасының міндетін атқарушы Аружан Аленованың төрағалық етуімен, партия белсенділері мен өңірдегі мүлік иелері бірлестіктері (МИБ) төрағаларының қатысуымен өтті.
Жиынның басты мақсаты – көппәтерлі тұрғын үйлерді (КТҮ) басқару жүйесін жетілдіру, тұрғындардың мүдделерін қорғау және МИБ төрағалары кездесетін әкімшілік кедергілерді еңсеру бойынша нақты шешімдер әзірлеу. Кездесу барысында қатысушылар келесі мәселелерді егжей-тегжейлі талқылады:
- Заңнамалық бастамалар: КТҮ басқару процедураларын жеңілдету және МИБ институтын қолдау мақсатында нормативтік-құқықтық актілерге өзгерістер енгізу бойынша ұсыныстар;
- Тәжірибе алмасу: МИБ төрағаларының үйлерді жаңғырту, энерготиімділік және қаржылық есептілікті ашық жүргізу бойынша ұтымды кейстері;
- Жергілікті атқарушы өкілдіктермен өзара іс-қимыл: Тұрғындар, коммуналдық қызметтер және жергілікті атқарушы органдар арасындағы тиімді диалог механизмдері.
Кездесуге қатысушылар МИБ институтын одан әрі дамыту коммуналдық қызмет көрсету сапасын арттыруға, тұрғын үй қорын сақтауға және азаматтарды ортақ мүлікті басқаруға белсенді тартуға тікелей әсер ететінін атап өтті. Ашық диалог қорытындысы бойынша ЖСДП Ақтөбе облыстық филиалы уәкілетті органдарға жолдау үшін ұсыныстар топтамасын дайындайды. Филиал тұрғындардың құқықтарын қорғау және өңірде сараптамалық диалог алаңдарын дамыту бағытындағы жүйелі жұмысын әрі қарай жалғастырады.
ЖСДП Орталық сайлауалды штабының баспасөз қызметі