Алматыда партия жастары академик Оразалы Сәбденмен кездесті

Жалпыұлттық социал-демократиялық партиясы әрдайым қоғам белсенділерімен, саяси қайраткерлерімен дәстүрлі кездесу өткізіп тұрады. Бүгін қоғамдық-саяси қайраткер, ҚР ҰҒА академигі, ғалым, спортшы, көптеген ғылыми және әдеби еңбектердің авторы, экономика ғылымдарының докторы Оразалы Сабденұлы Сабден партиямыздың қонағы болды. Кездесу ЖСДП-ның жас мүшелерімен диалог түрінде өтті.

Қайраткер өмірбаянымен, қалыптасу жолымен, Қазақстан экономикасының жолына деген көзқарасымен бөлісті. Бұралаңы көп саяси-қоғамдық жолда із қалдыру оңай емес, оны күрескер азаматтар жасай алады. Оразалы Сабденұлы тәуелсіздік алудың басында еліміздегі көптеген оң өзгерістердің бастамашысы болды. Мәселен, баршаға белгілі «Болашақ» бағдарламасы, «Қазақстан-Британ университетінің» ашылуы және Ұлыбританиямен ынтымақтастық орнату, құрылтай құру идеясы және т.б. Оның пікірінше, Түркістан қаласы мен Түркістан облысының дамуы арқылы Ұлы Жібек жолын жаңғырту қажет. Туристерді осы аймаққа тарту үшін Лондондағы Британдық бейбітшілік мұражайы сияқты тегін мұражай ашу ұсынылды.

Әрине, біздің экономикамызды жақсартудың бір аспектісі – елдегі өндірістік кәсіпорындар санының артуы. Осыған орай, диалог барысында сыртқы ынтымақтастық мәселелері де қозғалды. Түркітілдес елдердің бірігуі арқылы ортақ тарихты зерделеу, бірлескен жобалар құру қажеттігі айтылды. Оразалы Сабденұлы 97 монография жазды, қазіргі уақытта ғалым «Өркениеттің жаңа дәуірі» атты кітабын жазу жұмысымен айналысуда. Сондай-ақ, ол кездесу қатысушыларына «Қоғам дерті», «Қазақстанның сара жолы» (орыс тіліне аудармасы «Книга мысли»), «Әлем, түркі өркениеті. Қазақстан және болашақтың концепциясы» сияқты соңғы еңбектері туралы сыр шертті. «Әлем, түркі өркениеті. Қазақстан және болашақтың концепциясынан» автордың қай бағытта дамуды ұсынатынын және еліміздің жарқын болашағы үшін қандай стратегия ұстану керектігін білуге болады.

Екі сағаттан астам уақытқа созылған кездесу әсерлі өтті. Академик еліміздің өркендеуіне жас ұрпақтың тигізер үлесі мол екеніне сенім білдірді.

ЖСДП Алматы Баспасөз қызметі

Смотрите также:
Депутатские запросы
02.05.2024
Н.Сайлаубайдың Ауыл шаруашылығы министрі Айдарбек Сапаровқа, Өнеркәсіп және құрылыс министрі Қанат Шарлапаевқа ауыл шаруашылығы техникасы бағасының өсуіне қатысты жолдаған депутаттық сауал
22.04.2024
Депутатский запрос Ажар Сагандыковой Премьер-Министру РК Олжасу Бектенову по вопросам водного канала имени К. Сатпаева
22.04.2024
Наурыз Сайлаубайдың Өнеркәсіп және құрылыс министрі Қанат Шарлапаевқа ипотекалық бағдарламалар жөнінде жолдаған депутаттық сауалы
13.03.2024
Біздің депутаттық сауал Премьер-Министр О.А.Бектеновке
13.03.2024
Депутатский запрос А.Сагандыковой Премьер-министру О.А.Бектенову
31.01.2024
ҚР Оқу-ағарту министрі Ғани Бектайұлы Бейсембаевқа депутаттық сауал
31.01.2024
Депутатский запрос члена фракции ОСДП Ажар Сагандыковой Министру просвещения РК Гани Бейсембаеву
24.01.2024
ҚАЗАҚСТАН РЕСПУБЛИКАСЫ ПРЕМЬЕР-МИНИСТРДІҢ БІРІНШІ ОРЫНБАСАРЫ Р. СКЛЯРҒА ДЕПУТАТТЫҚ САУАЛ
17.01.2024
Депутатский запрос А.Рахимжанова Министру труда и социальной защиты населения РК Жакуповой С. К.